Боевой искусствэхэмкIэ яухьазырыныгъэ къэзыгъэлъэгъуагъэхэм Адыгэ Республикэм ибатырхэр ащыщых.
Savaş sanatı gösterilerini de sunan değişik uluslardan gençler arasında Adıge Cumhuriyeti’nin yiğitleri de yer almıştı.
Урысые Федерацием ишъолъыр 60-м ехъумэ къарыкIыгъэхэр зэнэкъокъугъэх. Москва, Ленинград хэкум, Самарэ, Красноярскэ, Ижевскэ, Ярославль, нэмыкI къалэмэ яспортсменхэр медальхэм афэбэнагъэх. Адыгэ Республикэм имэфэкI мафэхэм яхъулIэу хагъэунэфыкIырэ чIыпIэхэр къыдэзыхыгъэхэм къаушыхьатыгъ яIэпэIэсэныгъэ зэрэхагъахъорэр.
Rusya Federasyonu’nun 60 üzeri regionundan gelen gençler yarışmalara katıldılar. Moskova, Leningrad oblastı, Samara, Krasnoyarsk, İjevsk, Yaroslavl ve daha başka kentlerden gelen sporcular madalya için yarıştılar. Yarışmalar, Adıge Cumhuriyeti’nin kutlama günleri nedeniyle düzenlenen yarışmalara katılıp seçilen Adıge sporcuların ustalaşmış olduklarını kanıtladı.
АнахьыкIэмэ ащыщэу ШэхэлI Руслъан, кг 44-рэ, дышъэ медалыр къыфагъэшъошагъ. Ащ илэгъухэу Хьакъуй Заур, кг 58-рэ, ятIонэрэ чIыпIэр къыдихыгъ, ХъорэлI Ислъам, кг 44-рэ, ящэнэрэ хъугъэ.
En gençlerden Şexel’ Ruslan 44 kiloda altın madalyanın sahibi oldu. Aynı yaştaki Hakuy Zavır 58 kiloda ikinci, Horel’ İslam da 44 kiloda üçüncü oldu.
НыбжьыкIэхэм язэнэкъокъу медальхэр къыщыдэзыхы зышIоигъохэм Къэлэшъэо Аскэр ыгъасэхэрэр къахэщыгъэх. Хьатикъоемыкъо Тимур, кг 53-рэ, Уджыхъу Андзор, кг 56-рэ, Амарян Грант, кг 59-рэ, дышъэ медальхэр абгъэ къыхэлыдыкIыхэу Мыекъуапэ къагъэзэжьыгъ. Тимур Шиловым, кг 59-рэ, тыжьын медалыр къыдихыгъ.
Madalya için yarışanlar arasında,özellikle Kaleş’ave Asker’in eğittiği gençler kendilerini kanıtladılar. Hatikoyemıko Timur 53 kiloda, Vıgıhu Andzor 56 kiloda, Amaryan Grant 59 kiloda altın madalyaları aldılar ve göğüslerinde altın madalyalarıyla –gururla şimdiki Adıge Başkenti- Maykop’a döndüler. Timur Şilov da 59 kiloda gümüş madalya kazandı.
Магомед Омаровым, кг 66-рэ, ятIонэрэ чIыпIэр къыдихыгъ. Иляс Эльмурзаевыр мы купым ящэнэрэ щыхъугъ. Гъонэжьыкъо Мурат, кг 72-рэ, Айнды Эхаев, кг 78-рэ, тыжьын медальхэр къахьыгъэх.
Magomed Omarov 66 kiloda üçüncü geldi. İlyas Elmurzayev de üçüncü oldu. Ğonejıko Murat 72 kiloda, Ayndı Ehayev 78 kiloda gümüş madalya getirdiler.
Командэхэм язэнэкъокъу Дагъыстан ибэнакIохэр ащытекIуагъэх. Адыгэ Республикэр ятIонэрэ хъугъэ, Краснодар краим икомандэ ящэнэрэ.
Takım yarışmalarında Dağıstanlı güreşçiler birinci geldiler. Adıge Cumhuriyeti takımı ikinci,Krasnodar Kray takımı da üçüncü oldu.
А. Бжьэнтхьалэмрэ А. Къэлэшъаомрэ агъэсэрэ ныбжьыкIэхэу Адыгэ Республикэм щапIугъэхэм ямедальхэмкIэ, зэнэкъокъум ухьазырыныгъэу къыщагъэлъэгъуагъэмкIэ тагъэгушIуагъ, щысэ атепхынэу щытых. Адыгэ Республикэм ибэнакIохэр зэнэкъокъумэ афэзыгъэхьазырыгъэ Къэлэшъэо Аскэр зэхэщакIомэ осэ ин къыфашIыгъ. Тренер анахь дэгъоу ар алъытагъ, нэпэеплъ шIухьафтын къыратыгъ.
Adıge Cumhuriyeti’nde büyüyen ve A.Bjenthal ile A.Kaleş’ave’nin çalıştırdığı gençlerimizin yarışmalarda sergilemiş oldukları performans sevindirici ve örnek alınacak düzeyde. Organizatörler Adıge Cumhuriyeti güreşçilerini yarışmalara hazırlayan Kaleş’ave Asker’e takdirlerini sundular. Asker’i en iyi antrenör olarak seçtiler ve kendisine takdirname verdiler.
Тибатырхэр Анапэ зэкIохэм Адыгэ Республикэм ибыракъ щаIэтыгъ, щагъэбыбэтагъ. ХагъэунэфыкIырэ чIыпIэхэр къыдэзыхыгъэхэм быракъыр аIыгъэу сурэтхэр атырахыгъэх. АР-м имэфэкI зэхахьэмэ тибэнакIохэр ахэлэжьэщтых, яIэпэIэсэныгъэ къащагъэлъэгъощт.
Yiğit güreşçilerimiz ellerinde Adıge Cumhuriyeti bayraklarıyla –tarihi Adıge başkenti- Anapa’ya ayak bastılar ve bayrağımızı gönderde şerefle dalgalandırdılar. Gençlerimiz, Adıge Cumhuriyeti kutlama günleri nedeniyle düzenlenecek güreşçilere de katılacak ve becerilerini sergileyecekler.
ЕМТIЫЛЪ Нурбый - YEMT’ITL Nurbıy
Adıge Maq,1 Ekim 2010
Çeviri:Hapiy Cevdet Yıldız
Not:Tire içindeki yazılar çevirmene aittir.-hcy
