Karakter boyutu :
Yeni Başlangıçlar Onlara Umut Veriyor
24 Kasım 2010 Çarşamba Saat 23:25
Адыгэ кIэлэегъэджэ колледжэу Андырхъое Хъусен ыцIэ зыхьырэр къызызэIуахыгъэр илъэс 85-рэ зэрэхъурэр гъэтхапэм и 25-м Мыекъуапэ щыхагъэунэфыкIыщт.
‘Andrıhoye Huseyn’ adlı Adıge Öğretmen Koleji’nin 85’nci kuruluş günü kutlaması 25 Mart’ta Maykop’ta yapılacak.
Ар къыдэтлъыти, колледжым адыгабзэмкIэ икIэлэегъаджэу Андзэрэкъо Светланэ гущыIэгъу тыфэхъугъ.
Konuya ilişkin olarak, Kolej’in Adıgece okutmanı Andzereko Svetlan ile bir görüşme yapmış bulunuyoruz.
- Сисэнэхьат гъэшIэгъонэу щыт. Студентэу езгъаджэхэрэм яшIуагъэкIэ щыIэныгъэм икъиныгъохэр нахьышIоу къызгурэIох, - къеIуатэ колледжым икIэлэегъэджэ анахь дэгъумэ ащыщэу Андзэрэкъо Светланэ. - Мамхыгъэ еджапIэр къыщысыухи, кIэлэегъэджэ училищым сыкъызэрэчIэхьэгъагъэр непэ фэдэу къэсэшIэжьы. Гъунчъэкъо Муслъимэтрэ сэрырэ Нэпсэу Фазилэ IофшIапIэм тыригъэблэгъэжьи, сэнэхьатэу къыхэтхыгъэм тыфэлэжьэнэу зэредгъэжьэгъагъэри сыгу икIырэп.
-Mesleğim gerçekten ilginç. Ders verdiğim öğrenciler aracılığıyla yaşamın güçlüklerini daha iyi anlıyorum,-diyor Kolej’in en iyi öğretmenlerinden biri olan Andzereko Svetlan. -Mamhığ Köyü Okulu’nu bitirip öğretmen okuluna gittiğim ilk günümü bugünmüş gibi anımsıyorum. Ğunçeko Muslimet (Гъунчъэкъо Муслъимэт) ile birlikte, ikimiz de Nepsev Fazile’nin yanında öğretmenlik mesleğine atıldık, o günü de unutamıyorum.
- Светлан, адыгэ купхэр арых о ебгъаджэхэрэр. Студентмэ сыда анахьэу ахаплъхьэ пшIоигъор?
-Svetlan, siz Adıge gruplarına ders veriyorsunuz. Öğrencilere en çok neyi kazandırmak istiyorsunuz?
- Тэ IофшIэныр зедгъэжэгъэ лъэхъанымрэ джырэ уахътэмрэ зэсэгъапшэхэшъ, зэфэмыдэныгъэу ахэлъыр бэ. НахьыпэкIэ тиныбжьыкIэхэм шIэныгъэу яIэр нахь куугъ. Тиреспубликэ иеджапIэхэм къачIатIупщыгъэхэр арых колледжым аштэхэрэр. ЯшIэныгъэкIэ зыщеджагъэхэри, якIэлэегъаджэхэри къэошIэх. Сыфай лъэпкъым хьалэлэу фэлэжьэн зылъэкIыщт ныбжьыкIэхэр езгъэджэнхэу.
-Göreve başladığım günlerle şimdiki koşulları karşılaştırıyorum, koşullar çok farklılaşmış. Daha önce gençlerimizin bilimsel eğitimi daha iyiydi, köklüydü. Kolejimize Cumhuriyetimiz okullarını bitiren öğrencileri alıyoruz. Bilgi düzeylerine göre, biz onların hangi okullardan geldiklerini ve öğretmenlerinin kimler olduklarını anlıyoruz. Ulusumuza gönülden hizmet etmeyi isteyecek gençleri okutmak isterim.
- ГухэлъышIухэр уиIэх, ау къызэрэбдэхъухэрэр тшIапэрэп.
-İyi şeyleri amaçlıyorsunuz, ancak bu amaçlarınız gerçekleşiyor mu, bilemiyoruz.
- АдыгабзэкIэ езыгъаджэхэрэм сялъэIу литературабзэр аIулъэу, тхэкIэ-еджэкIэ амалхэр яIэу тиеджапIэ къэкIонхэу, оценкэу афагъэуцурэм шIэныгъэу арагъэгъотырэр диштэнэу сыфай. ТызэтхьаусыхылIэжьзэ студентхэр адыгабзэм фетэгъаджэх. Сыфай тиныбжьыкIэмэ лъэпкъ шэн-хабзэхэр ашIэнэу. Бэрэ ащ тытегущыIэ, ау Iофыр зэрэлъыкIуатэрэм тигъэразэрэп. АдыгабзэкIэ еджакIэ колледжым щябгъэшIэжьэу сыд шIэныгъэ кууа ябгъэгъотыщтыр?
-Adıgece dersini okutacağım öğrencilerin edebiyat diline hakim olan ve Adıgece okuma yazma bilen kişiler olarak gelmelerini, aldıkları notların bilgi düzeylerine verilmelerini istiyorum. Yakınarak öğrencileri Adıgece okutmaya çalışıyoruz. Gençlerimizin ulusal karakter ve geleneklerimize bağlı kalmalarını istiyorum. Bunun sık sık sözünü ediyoruz, ama işin seyrinden memnun değiliz. Kolej’de Adıgece’yi yeni baştan öğretmekle zamanımızı yitireceksek, onlara derinlemesine bir bilgi eğitimi verebilir miyiz?
- Колледжым адыгагъэр щызэрахьэ. ПчъэшъхьаIум укъызэрэблэкIэу къыппэгъокIых, сэлам къыуахы...
-Kolej’de Adıgelik sürüyor. Kapıdan adım atar atmaz seni karşılıyor, selam veriyorlar…
- Ар гъогу дэгъоу къыхэтхыгъэмэ ащыщ. Методикэр колледжым зэрэщакIурэм шIуагъэу къызыдихьырэри тэлъэгъу. Апшъэрэ еджапIэм чIахьэхэрэми зэпхыныгъэхэр адытиIэх. Лъэпкъ факультетым купэу аштагъэм тылъэплъэ. Тыбзэ къэтыухъумэным, лъыдгъэкIотэным афэшI мыгъэ колледжым къычIэдгъэкIыхэу Адыгэ къэралыгъо университетым аштэщтхэм тадэлажьэ. Педфакультетымрэ лъэпкъ факультетымрэ ащеджэщтхэр лъэхъаным диштэу тэгъэхьазырых.
-Söylediğin şeyler iyi uygulamalarızdan. Kolej’de verilen metodik uygulamaların yararını görüyoruz. Yüksek öğretime başlayan öğrencilerle de ilişkilerimiz sürüyor. Ulusal Fakülte’ye alınan grupla da ilgileniyoruz. Dilimizi koruma ve geliştirme amacıyla Adıge Devlet Üniversitesi’ne (ADÜ) alınacak öğrencilere de yardımcı oluyoruz. Eğitim Fakültesi (Педфакультет) ile Ulusal Fakülte’ye alınacak öğrencileri de çağdaş yöntemlerle hazırlıyoruz.
- ШъуимэфэкI къызыщысыгъэ уахътэм уиIофшIэн къыхэбгъэщынэу узыфаер къытаIоба.
-Kutlama gününüz gelmişken, mesleğinize ilişkin neler söylemek, neleri öne çıkarmak istersiniz?
- Езгъэджагъэмэ тиеджапIэ къызаухыгъэр илъэс 20 мэхъу. Ари хэдгъэунэфыкIыщтмэ ащыщ. МэщлIэкъо Таисэ, Мамый Марыет, Ожъ Фатимэ, БжьэшIо Сарэ, нэмыкIхэри езгъэджагъэх, мэфэкIым хэлэжьэщтых.
-20 yıl önce ilk öğrencilerimi mezun ettim. Bu da üzerinde duracağımız şeylerden. Meşl’eko Tayıse, Mamıy Maryet, Vej Fatime (Ожъ Фатимэ), Bjeşşo Sare ve daha başkalarını da okuttum, kutlama günümüzde onlar da görev alacaklar.
- МэфэкIэу шъуиIэщтхэм афэгъэхьыгъэу тигъэзетеджэмэ сыда джыри къяпIо пшIоигъор?
-Kutlama gününüze ilişkin olarak Adıge maq gazetesi okuyucularına neler söylemek isteriniz?
- Директорэу сиIагъэхэм, непэ пащэу тиIэ Ацумыжъ Казбек лъэшэу сафэраз. Ахэр Iофым фэгумэкIых. Колледжым телевизорхэр, компьютерхэр, мебелыр ищыкIагъэх. Сыфай лъэхъаным диштэу ныбжьыкIэхэр едгъэджэнхэу.
- Kolejimizin geçmiş müdürlerinden, şimdiki müdürümüz Açumıj Kazbek’ten de çok memnunum. Bunlar da benim gibi kaygılılar. Kolejimizin televizyon, bilgisayar ve mobilya gereksinimleri var. Gençlere çağdaş, modern, kaliteli bir eğitim vermek istiyoruz.
- Шъуигухэлъхэр къыжъудэхъунхэу шъуфэсэIо.
-Tüm isteklerinizin yerine gelmesini dilerim.
- Тхьауегъэпсэу.
-Teşekkür ederim.
Resim: Andzereko Svetlan (Андзэрэкъо Светлан).
Adıge maq, 24 Mart 2010
Çeviri: Hapi Cevdet Yıldız
Ар къыдэтлъыти, колледжым адыгабзэмкIэ икIэлэегъаджэу Андзэрэкъо Светланэ гущыIэгъу тыфэхъугъ.
Konuya ilişkin olarak, Kolej’in Adıgece okutmanı Andzereko Svetlan ile bir görüşme yapmış bulunuyoruz.
- Сисэнэхьат гъэшIэгъонэу щыт. Студентэу езгъаджэхэрэм яшIуагъэкIэ щыIэныгъэм икъиныгъохэр нахьышIоу къызгурэIох, - къеIуатэ колледжым икIэлэегъэджэ анахь дэгъумэ ащыщэу Андзэрэкъо Светланэ. - Мамхыгъэ еджапIэр къыщысыухи, кIэлэегъэджэ училищым сыкъызэрэчIэхьэгъагъэр непэ фэдэу къэсэшIэжьы. Гъунчъэкъо Муслъимэтрэ сэрырэ Нэпсэу Фазилэ IофшIапIэм тыригъэблэгъэжьи, сэнэхьатэу къыхэтхыгъэм тыфэлэжьэнэу зэредгъэжьэгъагъэри сыгу икIырэп.
-Mesleğim gerçekten ilginç. Ders verdiğim öğrenciler aracılığıyla yaşamın güçlüklerini daha iyi anlıyorum,-diyor Kolej’in en iyi öğretmenlerinden biri olan Andzereko Svetlan. -Mamhığ Köyü Okulu’nu bitirip öğretmen okuluna gittiğim ilk günümü bugünmüş gibi anımsıyorum. Ğunçeko Muslimet (Гъунчъэкъо Муслъимэт) ile birlikte, ikimiz de Nepsev Fazile’nin yanında öğretmenlik mesleğine atıldık, o günü de unutamıyorum.
- Светлан, адыгэ купхэр арых о ебгъаджэхэрэр. Студентмэ сыда анахьэу ахаплъхьэ пшIоигъор?
-Svetlan, siz Adıge gruplarına ders veriyorsunuz. Öğrencilere en çok neyi kazandırmak istiyorsunuz?
- Тэ IофшIэныр зедгъэжэгъэ лъэхъанымрэ джырэ уахътэмрэ зэсэгъапшэхэшъ, зэфэмыдэныгъэу ахэлъыр бэ. НахьыпэкIэ тиныбжьыкIэхэм шIэныгъэу яIэр нахь куугъ. Тиреспубликэ иеджапIэхэм къачIатIупщыгъэхэр арых колледжым аштэхэрэр. ЯшIэныгъэкIэ зыщеджагъэхэри, якIэлэегъаджэхэри къэошIэх. Сыфай лъэпкъым хьалэлэу фэлэжьэн зылъэкIыщт ныбжьыкIэхэр езгъэджэнхэу.
-Göreve başladığım günlerle şimdiki koşulları karşılaştırıyorum, koşullar çok farklılaşmış. Daha önce gençlerimizin bilimsel eğitimi daha iyiydi, köklüydü. Kolejimize Cumhuriyetimiz okullarını bitiren öğrencileri alıyoruz. Bilgi düzeylerine göre, biz onların hangi okullardan geldiklerini ve öğretmenlerinin kimler olduklarını anlıyoruz. Ulusumuza gönülden hizmet etmeyi isteyecek gençleri okutmak isterim.
- ГухэлъышIухэр уиIэх, ау къызэрэбдэхъухэрэр тшIапэрэп.
-İyi şeyleri amaçlıyorsunuz, ancak bu amaçlarınız gerçekleşiyor mu, bilemiyoruz.
- АдыгабзэкIэ езыгъаджэхэрэм сялъэIу литературабзэр аIулъэу, тхэкIэ-еджэкIэ амалхэр яIэу тиеджапIэ къэкIонхэу, оценкэу афагъэуцурэм шIэныгъэу арагъэгъотырэр диштэнэу сыфай. ТызэтхьаусыхылIэжьзэ студентхэр адыгабзэм фетэгъаджэх. Сыфай тиныбжьыкIэмэ лъэпкъ шэн-хабзэхэр ашIэнэу. Бэрэ ащ тытегущыIэ, ау Iофыр зэрэлъыкIуатэрэм тигъэразэрэп. АдыгабзэкIэ еджакIэ колледжым щябгъэшIэжьэу сыд шIэныгъэ кууа ябгъэгъотыщтыр?
-Adıgece dersini okutacağım öğrencilerin edebiyat diline hakim olan ve Adıgece okuma yazma bilen kişiler olarak gelmelerini, aldıkları notların bilgi düzeylerine verilmelerini istiyorum. Yakınarak öğrencileri Adıgece okutmaya çalışıyoruz. Gençlerimizin ulusal karakter ve geleneklerimize bağlı kalmalarını istiyorum. Bunun sık sık sözünü ediyoruz, ama işin seyrinden memnun değiliz. Kolej’de Adıgece’yi yeni baştan öğretmekle zamanımızı yitireceksek, onlara derinlemesine bir bilgi eğitimi verebilir miyiz?
- Колледжым адыгагъэр щызэрахьэ. ПчъэшъхьаIум укъызэрэблэкIэу къыппэгъокIых, сэлам къыуахы...
-Kolej’de Adıgelik sürüyor. Kapıdan adım atar atmaz seni karşılıyor, selam veriyorlar…
- Ар гъогу дэгъоу къыхэтхыгъэмэ ащыщ. Методикэр колледжым зэрэщакIурэм шIуагъэу къызыдихьырэри тэлъэгъу. Апшъэрэ еджапIэм чIахьэхэрэми зэпхыныгъэхэр адытиIэх. Лъэпкъ факультетым купэу аштагъэм тылъэплъэ. Тыбзэ къэтыухъумэным, лъыдгъэкIотэным афэшI мыгъэ колледжым къычIэдгъэкIыхэу Адыгэ къэралыгъо университетым аштэщтхэм тадэлажьэ. Педфакультетымрэ лъэпкъ факультетымрэ ащеджэщтхэр лъэхъаным диштэу тэгъэхьазырых.
-Söylediğin şeyler iyi uygulamalarızdan. Kolej’de verilen metodik uygulamaların yararını görüyoruz. Yüksek öğretime başlayan öğrencilerle de ilişkilerimiz sürüyor. Ulusal Fakülte’ye alınan grupla da ilgileniyoruz. Dilimizi koruma ve geliştirme amacıyla Adıge Devlet Üniversitesi’ne (ADÜ) alınacak öğrencilere de yardımcı oluyoruz. Eğitim Fakültesi (Педфакультет) ile Ulusal Fakülte’ye alınacak öğrencileri de çağdaş yöntemlerle hazırlıyoruz.
- ШъуимэфэкI къызыщысыгъэ уахътэм уиIофшIэн къыхэбгъэщынэу узыфаер къытаIоба.
-Kutlama gününüz gelmişken, mesleğinize ilişkin neler söylemek, neleri öne çıkarmak istersiniz?
- Езгъэджагъэмэ тиеджапIэ къызаухыгъэр илъэс 20 мэхъу. Ари хэдгъэунэфыкIыщтмэ ащыщ. МэщлIэкъо Таисэ, Мамый Марыет, Ожъ Фатимэ, БжьэшIо Сарэ, нэмыкIхэри езгъэджагъэх, мэфэкIым хэлэжьэщтых.
-20 yıl önce ilk öğrencilerimi mezun ettim. Bu da üzerinde duracağımız şeylerden. Meşl’eko Tayıse, Mamıy Maryet, Vej Fatime (Ожъ Фатимэ), Bjeşşo Sare ve daha başkalarını da okuttum, kutlama günümüzde onlar da görev alacaklar.
- МэфэкIэу шъуиIэщтхэм афэгъэхьыгъэу тигъэзетеджэмэ сыда джыри къяпIо пшIоигъор?
-Kutlama gününüze ilişkin olarak Adıge maq gazetesi okuyucularına neler söylemek isteriniz?
- Директорэу сиIагъэхэм, непэ пащэу тиIэ Ацумыжъ Казбек лъэшэу сафэраз. Ахэр Iофым фэгумэкIых. Колледжым телевизорхэр, компьютерхэр, мебелыр ищыкIагъэх. Сыфай лъэхъаным диштэу ныбжьыкIэхэр едгъэджэнхэу.
- Kolejimizin geçmiş müdürlerinden, şimdiki müdürümüz Açumıj Kazbek’ten de çok memnunum. Bunlar da benim gibi kaygılılar. Kolejimizin televizyon, bilgisayar ve mobilya gereksinimleri var. Gençlere çağdaş, modern, kaliteli bir eğitim vermek istiyoruz.
- Шъуигухэлъхэр къыжъудэхъунхэу шъуфэсэIо.
-Tüm isteklerinizin yerine gelmesini dilerim.
- Тхьауегъэпсэу.
-Teşekkür ederim.
Resim: Andzereko Svetlan (Андзэрэкъо Светлан).
Adıge maq, 24 Mart 2010
Çeviri: Hapi Cevdet Yıldız
Bu haber toplam 1263 defa okundu.
Bu habere yorum eklenmemiştir. İlk yorumu siz ekleyin.