Karakter boyutu : 12 Punto 14 Punto 16 Punto 18 Punto
Tegulan Yakup Temel
Зыр, Зым и КIащхъуэ Дымлъыхъуэурэ
16 Şubat 2010 Salı Saat 01:30

Хэкурыс   адыгэхэмрэ  хэхэс  адыгэхэмрэ, лъэпкъ  Iуэхухэм  хуэгъэзауэ, къапэщыт  къыиныгъуэхэр зэфIэха зэрыхъун  щIыкIэм теухуэуэ  къащыхъухэр щызтемыхуэ къохъ.ЗэзэмызэкIэи, зыщыпсоу  къэралыгъуэхэм  ящIэфыну  я лъэ къихь псори  зэрамылэжьым  щхьэкIэ зэрогъэкъуаншэ, абы къыщымынэуэ, щызпыубыхьи щэIащ.

Хэкурыс  адыгэхэм моуэ жаIа, (иужькIэ  Хэкум  згъэзэжахэри  яхэту)

«Диаспорам, апхэудиз  адыгэр фохъу, фи  бжыгъэм елъытауэ, фыщыпсоу  къэралыгъуэхэм  зэрыхъун  хуейм хуэдизу утыку  щывиIэкъым, фызэхэс  лъэпкъхэм фыхуэлажьэ  мыхъумэ, фи лъэпкъ  Iуэху  зефхуэкъым. Фэ  фызэрыс  жылагъуэхэм  я  демократие  щытыкIэр  нэхъ  ефIэкIуащ, нэхъ IэбапIэрэ  хуитыныгъэрэ  щывиIэщ. Апхуэдэуэ щыщыткIэ, адыгэ  лъэпкъыщхьэр нэхъ  хэIэтыкIауэ къыхэвгъэщын, абы нэхъ  гу ефтыурэ ерышу фхуэлэжьэн  хуейщ. Мэс, къывщIэхъуэ  щIэблэм  я Iэнэдэлъхубзэр ямыщIэурэ  къотэдж. Хамэ  къэралыгъуэхэм  фикъухьауэ  фиту,  фи  лъэпкъыщхьэр фхуэхъумэфыну Iэмал  иIэкъыми, фымыгувэуэ  къызрывгъэзэжыным  фэплъ.»

Диаспора  адыгэхэм, Хэкурыс  адыгэхэм  хужаIа,

«Фэ  фи  хэку  фыкъинэжащ, фи  хэку  фыщопсоу, апхуэдэуэ  пэтрэ , урыс щIэплъ  фыхъуащ, къыфхуащI фи унафэщ . Фыхамэкъым, Хэкур  фыфей дыдэщи, бжыгъэкIэ  мащIэ фыхъуми, тепщэгъуэр  фыфеин   хуэейщ.Адыгэ  културер, хабзэ-бзыпхъэр, адыгэбзэр  хъумэнымкIэ фэ  нэхъ Iэмал  фиIэщ,  фикъухьауэ  щыткъым. Псалъэм  къыдэкIуэу жытIэнщ, лъэпкъыуэ  укъызтенэнымкIэ  нэхъыщхьэуэ  щытхэм  япэ  къихуэр адыгэбзэращи, фи  къэралыгъуэ хабзэхэри  абы  къыщезагъкIэ, анэдэлъхубзэм  хуэфащэ  пщIэ щыхуэвмыщIыр  сыт? ЕджапIэхэм, университэхэм, къэралыгъуэ  Iуэху  щIапIэхэм, сату  щIапIэхэм,  телевизорым, радиом  адыгэбзэр щызэвгъэкIуэн  хуейкъэ?»

ЛъэныкъуитIри, жаIэхэм  куэдым   щхьэкIэ  пхуэгъэкъуэншэнукъым  ауэ ,  си гугъэмкIэ, мы  сэхьэтым, зым  адрейм  и  кIащхъуэ  къилъыхъуэ  нэхърэ, лажьэр зэдалажьэуэ,  адыгэ  зи лъэпкъ дэнэ щэIэми,  зэрэгъэгушхуэурэ зэрыубыдмэ  нэхъыфI  хъуну къыщIэкIынщ.

Тэгъулан  Екъуб

Diaspora Yaşamından


Bu yazı toplam 2632 defa okundu.





Temel Kılıç

Диаспорэм исы адыгэ милйонитфым моштэ зы гучъае и1эп. зыхэсы чылэм ихэк1одагъо чыжэу сыхаплъэрэп. Хэкум исымэ я муслмыгъэ я шыгъyпщыгъ, диаспорэм исымэ я адыгагъи,я муслмыгъи я шыгъупшыъ. Адыгэм тарихъ урысым езаогэ блэк1ыгъ. Адыгэм ы1орэр сыд: Адыгагъэр тыпкъ, муслимыгъэр тыпс.

18 Şubat 2010 Perşembe Saat 22:17
Yalçın Karadaş

Hoş geldiniz Sn.Tegulan!
Dilimizi ve sizi burada görmek onurdur.umarım sizin gibi yazanlar ve sizi okuyanlar hiç azalmasın,her gün artsın.
Wuzınşew!

18 Şubat 2010 Perşembe Saat 08:35
Meretko

Adıge dilinin büyük üstadı Sn.Tegulan. Cherkessia.net'de sizi görmekten büyük sevinç duyduk.

Selam ve saygılar.

16 Şubat 2010 Salı Saat 10:07
Sitemizin hiçbir vakıf, dernek vs. ile ilgisi yoktur. Sitede yayınlanan tüm materyallerin her hakkı saklıdır. Sitemizde yayınlanan yazı ve yorumların sorumluluğu tamamen yazarına aittir.
Siteden kaynak gösterilmeden yazı kopyalanamaz.
Copyright © Cherkessia.Net 2009 İletişim: info@cherkessia.net